England fans an phur: An duh an hmu dawn em?

Kum 55 hnua a vawi khat nan England-in major tournament-ah final an lut a, fans an phur hle - a awm lo hran lo.

Final lut tura Denmark an hneh zan khan Wembley-a inkhel entu fans tam tak chuan stadium an kalsan phal lawk lo - a ṭhen hlim takin an lam a, a ṭhenin thil thleng chu an awih chiah lo, awih lo phal si loin van lam an thlir a, an mittui a tla.

'Football neitu' inti ram tan chuan kum 55 nghah kha a rei mah mah a, an lawmna hi a awm lo hran lo. Denmark an hneh zan zet kha chuan England kawtthlerah reh lai a awm meuh lo, an ti!

Han hmu ve se...
England-in Denmark an hneh hnu lawk khan Three Lions midfielder Kalvin Phillips chuan, "Granny Val," tih chuanna jersey a rawn ha chhuak a, February-a Covid-19 vanga thi a pi hriatreng nana a tih a ni.

Inkhelh zawha, Leeds khaw lama a ṭhiante hnena a jersey petu hian a career atana a pi pawimawhzia a awm fo ṭhin a, Leeds-a kum nga atana contract thar a ziah khan a pi hian a ṭawiawm nghe nghe.

Phillips-a chet dan avang hian fans tam tak an lungleng thar a, social media lamah football an enpui ṭhin, an hmangaih kal tate an ngaih thu an tarlang nasa. Chung zinga pakhat chuan, "Final kan luh khan ka thinlungah ka pa a cham reng a, ka ṭap lo thei lo a ni. Football kan en dun nasa em em a, zanin hi hmu ve hman se zawng he England team hi ava chhuang dawn tak em," tiin a ziak.

Harry Kane Junior School
England-a khaw pakhat King's Lynn-a Howard Junior School chuan an school hming chu ni khat atan an thlak a, Harry Kane Junior School an inti - Denmark an hnehna inkhel lawm nan hian zirlaite chuan Kane-a hmaikawr an vuah vek a, an lam!

Kane nena school khata lut ṭhin, he school head teacher Greg Hill chuan, "Tunah chuan nomawi kan chawi ngei hi kan beisei tlat tawh a ni," a ti a, inelna ṭantirha he school naupangte vekin, "Three Lions," tih hla an sak chu a lar viau tawh bawk.

Hetihlai hian Lowestoft Railway Station bula kawtthler, kum 170 kal taa Denmark Road tih lo ni tawh chu 'England Road' tiin a hming thlak lailawk a ni bawk a, he venga thuneitute chuan, "Engemaw chen chu he hming hi a pu rih ang," tiin an chak lawmna chi khat a nih ve thu an sawi.

Chawl ang u!
England fan-ten nomawi chawi chiah an ngaihtuah tawh a, tunah chuan champion lawm nan Thawhṭanni chu chawlha puang turin Prime Minister Boris Johnson an ngenna thawm a ring hle!

Boris Johnson chuan, "England chak se chuan chawlh puan mai a châkawm duh khawp ang. Mahse, eng nge thleng zel nghak phawt ang," tiin a sawi.

UK prime minister aiawha thupuangtu chuan, "Pathiannia thil thleng tur lo sawi lawk kan duh lo. England hi chak ngei se, champion ngei se kan duh. Mahse, kan hmalak zel dan tur chu nakinah kan puang ang," tiin a hnuah a sawi thung.

Nang ngei hi
England fans zinga hla lar tak pakhat chu Atomic Kitten hla lar ṭhin, "Whole Again," tih zulzuia Southgate puala an hla kaihlek chu a ni a, "Baby you're the one" tih chu "Southgate you're the one!" (Southgate, nang ngei hi i ni) tiin an thlak!

He hla hi England fan-ten an sa a ni mai lo a, Liverpool khaw chhuak pop girl group Atomic Kitten hi a phur berah an ṭang a, "Southgate you're the one!" tih chu sain Spotify, Apple Music leh YouTube lamah an dah.

England fan-ten final-ah he hla hi an sa leh ngei dawn a, Wembley Stadium-a mipui 60,000 chuang ten champion beiseina nen, "Southgate, nang ngei hi i ni," an ti dawn - Italy tan chuan hei ringawt pawh hi zamna tham a ni ang.

Southgate you're the one!
If you see me walking down the street
Staring at the sky
And dragging my two feet
You just pass me by
It still makes me cry
But football's coming home again

And if you see me in the stands
I'm laughing and I'm joking
Doing what I can
I won't put you down'
Cause I want you around
Football's coming home again

Looking back on when we first met
I cannot escape and I cannot forget
Southgate, you’re the one – you still turn me on
Football’s coming home again

Time is laying heavy on my heart
Seems I've got too much of it
Since we've been apart
My friends make me smile
If only for a while
Football’s coming home again

Looking back on when we first met
I cannot escape and I cannot forget
Southgate, you’re the one – you still turn me on
Football’s coming home again

For now I have to wait
But this is our time
It is our fate
'Cause I just can't go on
It's already been too long
Football's coming home again
Oh, oh, oh, oh

Looking back on when we first met
I cannot escape and I cannot forget
Southgate, you’re the one – you still turn me on
Football’s coming home again
Oh, oh, oh
Looking back on when we first met
I cannot escape and I cannot forget
Southgate, you’re the one – you still turn me on
Football’s coming home again

Southgate, you’re the one – you still turn me on
Football’s coming home again