Tom Petty thihchhan damdawi hman sual

Tom Petty & The Heart­breakers singer Tom Petty chu nikum october thla khan a thi thut a, khawvel a barakhaih hle. A thih chhan hi puanzar a ni lawk lo a, mahse damdawi hman sual vanga thi a nih thu tun hnai khan puan a ni ta a ni.

Los Angeles-a medical examiner-te chuan Tom Petty thih chhan hi ngun takin an zirchiang a, damdawi a hmang sual tih Zirtawpni khan an puang ta a ni. Mahse hei hi tihpalh thil a nih thu an sawi a, a damdawi eiah hian opioid a tel avangin a taksain a zo lo a ni, an ti. Tom hian a taksa lamah harsatna a tawh avangin damdawi chi hrang hrang a ei nasa hle a, a damdawi ei hi a taksa chuan a zo ta lo a ni.

Hemi chungchangah hian a chhungte pawhin thuchhuah an siam ve nghal a, "Tom Petty hi tour neiin hmun hrang hrangah a zin kual nasa em em a, a taksa pawhin a tawrh phah a ni. Khup na, emphysema leh hip fracture te pawhin a tibuai a, a chunga thil thleng hi a pawi takzet a ni" tiin Tom an ui thu an sawi. A thih dawn ni pawh khan a taksa lamah harsatna a neih thu a sawi tih an tarlang bawk.

Tom Petty & The Heart­brea­kers dintu leh lead sin­ger ni bawk Tom Petty hi Octo­ber 2 khan a chenna inah ni­khawhreloa a awm hmuh a ni a, a hnuah a thi zui nghal a ni. A thih hian kum 66 mi a ni.