Kolodyne lui kamah KOLODYNE MUSIC FESTIVAL NEI DAWN

5th February, 2020

Chhimtuipui area-ah a vawi khatna turin Beinô(Kolodyne) lui kamah Kolodyne Music Festival(KMF) February 7 leh 8-ah neih a ni dawn.

He music festival hi Siaha DC leh Lawngtlai DC ṭangkawp buatsaih a ni dawn a, Mizoram chhunga zaithiam leh band ṭha tak takte an inlan dawn a ni. Anni bakah hian Siaha leh Lawngtlai aṭangin band leh artist ṭha ber berte an perform dawn bawk.

KMF Organizing board chuan festival hi a hlawhtling a nih chuan kum dangah pawh buatsaih chhunzawm zel an tum a, KMF hmanga Mizoram Tourism chawisan chu an ngaih pawimawh zinga mi a nih thu an sawi.

Ziro Music Festival (Arunachal Pradesh) el pha tura beisei niin, festival chhung hian restaurant chi hrang hrang leh intihhlimna stall hrang hrang hawn a ni dawn.

Zaithiam leh band inlan turte:-

Magdalene

Shai Hills

G'nie

Kimkima

Fiona

Francis