Gaming News : Assassin's Creed game thar an siam leh mek

Ubisoft chuan thuchhuah siamin Assassin's Creed game thar an siam leh mek a, chu an game thar chu a codename-ah 'Infinity' tiin an dah.

Bloomberg report-in a tarlan dan chuan Fortnite ang chi, online service game a ni dawn niawm tak a ni a, Ubisoft lam erawh hi chuan an game siam thar chungchang hi chiang takin an la sawi lang lo thung.

Infinity hi kum 2007-a Assasins Creed game tihchhuah a nih hnua game franchise an thlak danglam nasat ber tur niin gaming lam report ṭhin news site hrang hrang chuan an tarlang. Ubisoft hian Assasins Creed game an tihchhuah tawh dan chu hmun pakhat leh hun bik behchhanin an siam ṭhin a, tuna an siam mek erawh hi chu a lan dan leh a kalphung a dang dawn hle niin Bloomberg chuan an tarlang a, kum khat vel hnuah chuan an tlangzarh thei tawh dawn niin an sawi.