Hillsong UNITED hla thar 'Know You Will'

Hillsong UNITED chuan Zirtawpni khan hla thar 'Know You Will' an tichhuak a, streaming platform hrang hrangah ngaihthlak theih turin a awm tawh.

YouTube lamah music video chhawp chhuak tawh bawkin, Hillsong rimawi ngainatute tan chuan ngaihthlak manhla leh tak tur a ni.

Joel Houston, Ben Hastings leh Dylan Thomas-te'n hun harsa tak paltlang mekte tana an phuah niin Joel Houston chuan,"‘Know You Will’ hian thla 18 liam ta chhunga khawvel awmdan chungchang a tarlang. Kawng hrang hrangin khawvel mak tak a ni. Rinna hi a chang chuan hla taka awm niin a lang ṭhin, mahse i innghahna zawng zawng lakboa a awm hnuah a tak a nihzia a lang chiang leh ṭhin," tiin an hla thar chungchang chu a sawi.

Hillsong UNITED hian ram hrang hrangah mi tam tak nunah nghawng an nei lian hle tih loh rual a ni lo. Tunah hian an album-te chu copy maktaduai 6.5 chuang an hralh tawh a, tluklehdingawn 3.3 chuang stream ni tawhin Christian chart hrang hrangah No.1 an hauh ngun tawh hle a ni.