Red Notice November-ah tlangzarh dawn

Dwayne Johnson, Gal Gadot, leh Ryan Reynolds-te channa Netflix action film Red Notice chu November 12-ah tlangzarh a ni dawn.

Kar hmasa lamah khan Dwayne Johnson chuan a Twitter account kaltlangin a lemchanpuite nena mawi taka an thlalak chu a tarlang a, caption-ah November 12-a tlangzarh a nih dawn thu a tarlang tel.

Red Notice film-ah hian Gal Gadot chu 'art thief' lar tak lemah a chang a, Reynolds chu khawvela 'con artist' lar ber lemah a chang bawk a, Johnson chu FBI lemah a chang thung. He film hi Skycraper director Rawson Marshall Thurber chuan a direct a ni.

Netflix film zinga an budget sang ber pawl a ni a, $mtd 200 vel an seng nia chhut niin Ritu Arya leh Chris Diamantopoulos-te pawh an inlan dawn bawk.

Hrileng vangin he film chan hun tur leh tlangzarh hun tur hi a sukuk ngun ve hle. A Tirah tak chuan nikum June thlaa tlangzarh tura an ruahman kha a ni a, mahse hrileng leh thil hrang hrang vangin nikum November thlaah khan an chang zo chauh a ni.