Tom Cruise inlar leh

American actor Tom Cruise chuan a film channaah hliam a tuar a, thla eng emaw zat a chawlh hnuah a lo kir leh tawh. July thlaa tlangzarh tur Mission Impossible-a a changtupa hian shooting an neihna ṭhenkhat chu social media lamah a tarlang a, a che pa leh hmel riap riap hle.

Tom Cruise chuan shoo­ting neiin an buai hle tih a sawi a, tlangzarh hun tura an ruahmanah peihfel hman ngei an inbeisei thu a sawi. An film chan mek title pawh tihchian a nih tawh thu sawiin, Mission Impossible chhuak leh tur hi 'Mission : Impossible - Fallout' a ni. Hei hi official-in puan a ni tawh a, Mission Impossible parukna tur a ni.

Tom Cruise hian heli­copter-a a che vel thlalak chu instagram lamah a post a, en pawh a hlawh hle. Action film ngainatute tan chuan a nghahhlelhawm tawh khawp ang le. Tom Cruise leh Swedish actress Rebecca Ferguson te channa film hi July 27 hian US-ah tlangzarh a ni ang.