RFL Miss Mizoram 2020 Grand Finale Zaninah
RFL Miss Mizoram 2020 Grand Finale chu zanin dar 8 hian Dengṭhuama Hall, Mualpuiah neih a ni dawn a, zaninah Miss Mizoram 2020 kan hre tawh dawn.
Grand Finale hi Jojo-i'n a hla thar Thinlung neitu hmangin a hawng dawn a, Michelle Varte, Kimkima, Jerry Lalrinawma leh Ruatpuii-te an zai dawn bawk. Kimkima hian a hla thar Ṭhahming a perform ang.
Subtitle pali sem dawn Inrinni hmasa, March 7 khan Seven Wonders programme hman niin subtitle pasarih sem a ni tawh. Zanin hian subtitle pali dang- Miss Congeniality, Miss BWAP, Miss People’s Choice leh Oriflame Miss Beautiful Skin-te sem a ni leh ang.
Contestant-te tana fiahna zan
A hmawr bawk zan mah ni se contestan-te hmabak a la ko hle. Subtitle pali semna neih zawhah hian Top 12-te puanchhuah an ni dawn. Top 12 inhlangkaite hi Judge-te'n zawhna an zawt leh ang. Hemi hnu hian Designer leh MUA facilitation neih a ni ang a, chumi zawhah Top 6 result puan a ni leh dawn.
Top 6-a inhlangkaite hi zawhna zawh an ni leh ang. Zai ngaihthlak a nih zawh hnuah finalist-te an inlan leh anga, Miss Mizoram 2020 puanna neih chhunzawm a ni ang.
In lama lo en duh tan
Zonet Zawlbuk, Zonet HD leh Zonet YouTube Channel-ah live-a pekchhuah a ni dawn.
• Miss Mizoram Contestant
aṭanga modeling contract ziahpui tur modeling agency Kay Savino Yhome-in Aizawl an lo thleng tawh a, screening an nei nghal bawk. Zaninah contract an pek tur an puang nghal ang.
• Covid-19 laka mipui him zawkna turin hall chhung lut tur zawng zawng enfiah an ni dawn.
• Rini Hlondo-in a host leh dawn a ni.
Lawmman
Miss Mizoram 2020 hian lawmman pawisa fai Rs 1,70,000 leh Yamaha Fascino 125 Fi scooter a dawng ang. 1st runner up-in Rs 90,000, 2nd runner up-in Rs 60,000 an dawng dawn bawk. Top 3-te chu Genesis Gym Membership pek an ni dawn a, finalist, top 10 tling, top 3-a inhlang kai ta lote pawhin Rs 10,000 ṭheuh an dawng bawk ang. Hei bakah hian sub-title tin hian Rs 20,000 lawmman a keng tel vek bawk.
Perform tuRte:-
1 Jojo
2 Michelle Varte
3 Jerry Lalrinawma
4 Kimkima
5 Ruatpuii
Judge te:-
1 Vanlalrema Vantawl
2 Lucy Sailo
3 Rody H Vanlalhriatpuii
4 Susan Ralte