The Beatles documentary film September-ah tlangzarh dawn
English rock legend The Beatles documentary film 'The Beatles: Get Back' chu kumin September 4 hian thlangzarh hman turin hma an la mek.
Disney kaltlangin 'The Beatles: Get Back' hi tlangzarh a ni anga, thlangzarh ni hian US leh Canada rama Disney theater hrang hrangah chhuah nghal a ni dawn tih Disney executive chairman Bob Iger chuan a sawi.
The Beatles documentary film thar tur hi a buaipuitu ber chu film siam lama hriat hlawh tak mai, 'Lord of the Rings' film siamtu Peter Jackson ngei kha a ni a, ani kutchhuak hi a hmuhnawm lo thei lo.
'The Beatles: Get Back' ah hian mite hmuh zen zen loh studio-a The Beatles ho hun hman laite pawh tihlan a ni dawn a, an live perform hnuhnung ber, London-a rooftop-a an zaina pawh tihlan tel an tum.
Tun thlenga music khawvela huhang la nei lian tak The Beatles documentary thar tur hian ngaihven a hlawh a, an fan-te pawhin an nghakhlel tawh hle a ni.