China-in boruak bawlhlawh ven nan $tld 3 dah!

Khawvel ram hrang hrangten air pollution an buaipui luih luih a, United Nations (UN) pawhin kawng hrang hrangin hma a la mek bawk. Hetiang a nih mek lai hian China sorkar chuan boruak bawlhhlawh zel tur venna tur hian US dollar tluklehdingawn thum ($tld 3) a ruahman hem mai.

India sorkar chuan Delhi khawpui leh a chhehvel boruak bawlhhlawh lutuk avangin sum tam tak a lo seng tawh a, a venna turin ruahmanna eng emaw zat a siam. Hetiang bawk hian China chuan boruak bawlhlawhin an ram khawpui ber Beijing leh a chhehvel a tihbuai zel lohna turin sum ṭha­hnem tak hi a ruahman ta a ni. Sum a ruahman hi an ram pawisa Yuan tluklehdingawn 19 zet niin, air pollution venna tura sum dahah chuan a namai lo hle.

Amaherawhchu boruak bawlh­hlawhin mihring hriselna a khawih pwi nasat theih zia te, mihring nun a nghawng nasat ziate ngaihtuah chuan thil awm tak a ni lawi si. Sum hman tura ruahmante hi boruak bawlhhlawh siamtu langsar zual - lungalhthei, motor leh vaivut khu khuahkhirhna atan hman a nih dawn bakah, rural area-a lungalhthei thlakna tura clean energy project kalpuina tur a ni ang. China sorkar hian air pollution tihziaawmna tur hian clean energy project a kalpui mek a, motor upa leh meikhu tichhuak nasa nuai nga dawn chu a lo dintir tawh bawk.

China hi khawvela carbon dioxide siamchhuak hnem ber ram a ni mek a, Beijing khawpui chu boruak bawlhlawh zawng tehnaah khawvelah 16-na ni mek bawk.