A chiang ta e! Lisa solo MV hmasa ber kan hmu dawn

BLACKPINK Lisa chuan a solo music video hmasa ber a tichhuak dawn. Hemi chungchang hi Billboard leh news agency hrang hrangin a chiang tawh niin an tarlang.

K-pop girl group South Korean label YG Entertainment chuan Lisa solo hla hmasa ber kan ngaithla thei dawn tih thuchhuah siamin an tarlang tawh niin Soompi chuan an tarlang a, "Tunkar chhung hian Lisa chuan a music video a shoot ang," tiin thuchhuah an siam.

Jennie leh Rosé-te'n solo hla mawi tak tak an tihchhuah hnuah Lisa pawhin ama pual hla thar a rawn nei ve dawn ta a, Blink fan-te tan chuan nghahhlelhawm tak tawh tur a ni.

Kum 2018 November thlaah khan Jennie chuan a solo hla 'SOLO' a lo tichhuak tawh a, Rosé pawhin kumin chhungin hla pahnih 'Gone' leh 'On The Ground' a lo tichhuak tawh bawk. Tunah Lisa-i'n a tichhuak leh dawn ta a, Jisoo erawh a la ngawi rih a nih hmel.

Blackpink hian tunah hian an kum nga tlin lawmna "4+1 Project" tichhuak turin hma an la mek bawk a, thla tharah hi chuan an film thar 'BLACKPINK The Movie' pawh an tichhuak tawh dawn a ni.