Shakira single thar a hnai

Shakira fan-te tan thu lawmawm tak hriat tur a awm e.

Colombian superstar hian Thawhlehni khan second 30 leka thui a hla thar tur lyrics niawm tak teaser video tawi te social media platform hrang hrangah a tichhuak.

A lan dan chuan a hla thar tur hi 'Don't Wait Up' tih a ni dawn , English hla a nih hmel bawk.

Teaser video a tihchhuah hnu darkar thum vel lekah thlalak thar post bawkin chutah pawh chuan 'Don't Wait Up' tih a ziak lang leh a, a caption aṭanga a lan danah chuan naktuk lamah hi chuan a hla thar hi kan ngaithla thei tawhin a rinawm.

Thulengvak a tam lehnghal a, ṭhenkhat chuan kum li zet album thar a tihchhuah tawh loh hnua a album tihchhuah leh tura 'single' a tihchhuah hmasak ber tur nite pawhin an sawi leh tawh a, dik tak maw?

Shakira hian kuminah hla thar a la tichhuak lo a, solo single phei chu kum 2017 hnu lamah a la tihchhuak leh lo.