BRIT Award-ah Justin Timberlake

Justin Timberlake chu tun thla tawpa sem tur BRIT Award-ah a perform dawn a, Rita Ora, Rag'n'Bone Man, Ed Sheeran, Sam Smith, Stormzy leh Foo Fighter te an inlan bawk ang.

BRIT Award-a per­form turte hming hi a hmain puan a lo ni tawh a, Justin Timberlake inlan tur thu hi tun hnai khan puan a ni ve leh ta a ni. 'Mirrors' hitmaker hi music khawvelah hun eng emaw chen a hmel hmuh tur a awm tawh loh hnuah a lo kir leh tawh a, award ceremony-ah a perform zui nghal dawn. Timberlake hi February 4 hian Super Bowl half-time show-ah a inlan dawn bawk.

BRIT Award-ah hian Timberlake hi kum 2005 khan Kylie Minogue nen an lo zaidun tawh a, hemi hnua a inlan lehna hmasa ber tur a ni ang. Tun ṭumah erawh a amahin a perform dawn thung. Zaithiam dang inlan turte pawh an phur tawh hle a, Rita Ora chuan, "British artist-te chuan he huna perform hi kan dream a ni a, duhthusam a thleng dawn ta a ni" tiin, a phur thu a sawi. BRIT Chairman leh CEO ni bawk Jason Iley chuan BRIT Award-a perform turin Rita hi a ṭha tawk tih sawiin, tun hnaia a sulhnute chu chhuanawm a tih thu a lo sawi ve mek bawk.

BRIT Award hi February 21 khian O2 Arena, London-ah sem a ni ang.