June thla aṭangin Eminem tour dawn

American rapper Emi­nem-a'n Europe lamah tour a neih tur thu puan a lo ni tawh a, a hun tur erawh tihchian a ni lawk lo. Mahse tun ah chuan engkim tihchian a ni ta a, June thla aṭangin tour hi a ṭan dawn a ni.

Eminem hian nikum khan album thar 'Revival' a tlangzarh a, hemi tihlarna tur hian Europe lamah tour hi a nei dawn a ni. June 30 khian Obos Oslo, Norway-ah kick-off a ni ang a, Stockholm, Sweden-ah a concert zui ang. Tour a neih chhung hian Norway leh Sweden bakah, Denmark, Italy, Switzerland, Netherlands, Germany leh U.K te a fang kual dawn a, hmun hrang hrangah show a nei ang. A kharna hi Twickenham Stadium, London-ah July 15 khian neih tura ruahman a ni.