V.Comics : Faka Presents 1966 Vol.1 'The Bombing' Mizo buatsaih comics thar chu

Mizo Western Standard comics bu hmasa ber Faka Presents 1966 Vol.1 'The Bombing' chu chhiar theih turin chhawp chhuah a ni tawh a, The Book Cafe, Hrangbana building, Chanmari-ah a duh apiang lei theih turin a awm tawh.

He comics hi bu khat Rs. 50 man chauh a ni. March 31 khan he comics hi an tlangzarh daih tawh a, April 20 thleng khan zuar chhuak hmanin, inkharkhipin a chhunzawm tak avang khan an zawrh chhunzawm thei ta lo a ni.

Issue hmasa ber hi copy 1000 chiah an tichhuak a, tunah hian copy 500 vel bak lei tur a awm tawh lo lehnghal!

A genre hi detective lam hawi a ni a, Mizoram buai kum, kum 1966-a thil thleng anga siam niin V.Comics tichhuaktute chuan comics dang pawh tihchhuah an la tum tih an sawi nghe nghe a, Mizo kutchhuak comics ṭha tak tak chhiar tur kan la hmu nual dawn niin a lang.

Tuna chhuak mek hi Volume 1 a ni a, vol.1-ah hian issue 5 thleng tihchhuah an tum. Ruahmanna an siam danah chuan quarterly-a tihchhuah an tum a ni.

Bu khatah hian phek 24 a awm a, chu chu comics bu dan dik tak (Western Standard) a ni. 'Chenrang leh Ngenmu' reality show thlirtute chuan he comics chungchang hi an hre fur tawh hlawmin a rinawm a, comics buatsaihtu khan 'thawnthu' ṭha tak tak pawh an nei sa nual tih a sawi a nih kha. Comics bu ṭha tak tak kan hmuh belh turah beisei ang.

Faka Presents 1966 Vol.1 'The Bombing' hi The Book Cafe IG @thebookcafeaizawl lamah pawh dm-in a order theih reng a ni.