Apple aiin Xiaomi-in phone thawn chhuak tam zawk

Chinese tech company Xiaomi chuan global smartphone shipment ranking-ah Apple an lehthal a, Apple aiin smartphone an thawn chhuak hnem zawk.

Kumin second quarter (April-June) atan data tihchhuah tharah a vawi khatna atan Apple hian Xiaomi hi an tluk ta lo a, khawvel puma smartphone thawn chhuak tam ber dawttu dinhmun chu a ṭum khatna atan an ni ta a ni. Hetihlai hian Samsung chu pakhatna la ni thoin khawvel puma smarphone shipment 19% zet chu Samsung hian an hauh.

Xiaomi hian 14% a thawn chhuak thung a ni. Canalys research aṭanga a lan dan chuan South America leh Africa lama an thawn chhuah 300% leh 150% laia an tihpun avangin Apple aiin an sang ta zawk a ni.

Phone an thawn chhuah hnem chhan pakhat chu an phone man tlawm vang a ni. Xiaomi phone ho hi a tlangpuiin Samsung aiin 40% velin a tlawm a, Apple ai phei chuan 70% vel laiin a tlawm zawk.