Iggy Azalea ; Rimawi a chawlhsan rih dawn!

Australian rapper Iggy Azalea chuan hun eng emaw chen chu project dang buaipui tur a neih avangin rimawi a chawlhsan rih dawn.

Kum 31 mi rapper chuan Twitter-ah hemi chungchang hi sawilangin, a studio album thar tur 'End of Era' chu a title ang chiahin a tawp lailawkna a ni rih dawn tih a tarlang.

"'End of Era' hi ka tan chuan a hlu hle a, a chhan chu thlaleha he album ka drop hnuah hi chuan kum rei vak lo chu project dang buaipui turin rimawi lam ka chawlhsan rih dawn a ni," tiin a sawi.

A project buaipui tur chu nuam a tih zawng a ni tih sawiin a fan-te chu a nun lehlam zawk hmuhtir hlan a nghakhlel tawh niin a sawi.

Iggy Azalea hian kum 2014 khan a studio album hmasa ber 'The New Classic' chu a tlangzarh a, kum 2019-ah khan 'In My Defence' tlangzarh lehin thlalehah 'End of an Era' hi a tlangzarh leh dawn a ni.