V-Day pualin Kardashian perfume

Valentine's Day thla a ni a, milarte pawhin chanchin an nei chho leh ta mawlh mawlh mai. Kim Kardashian chuan V-Day puala a siam perfume chu a tlangzarh a, a ṭhian ṭha leh amah hawtute a thawn darh dawn tih a sawi mauh mai.

Kardashian perfume hi Kimoji Hearts KKW Fragrance a ni a, a thil siam chhuah hi social media lamah pawh a post darh nasa tawh hle. American reality TV star chuan a thil siam hi a tam thei ang ber sem chhuah a tum thu a sawi a, a ṭhian hnai tak tak te chu V-Day thilpek a tan hlan a tum. Hetih rual hian langsar taka amah sawisatu leh hawtute pawh pek a tum tho tih a sawi! Kim chuan a pek tur list a siam mek tih a sawi a, chung zingah chuan khawvel huapa mi lar tak tak an awm nawk.

Chung zingah chuan Taylor Swift, Blac Chyna, Pink leh Wendy Williams te pawh an tel. Anni bakah hian Cardi B, Chrissy Teigen leh Paris Hilton te pawh an tel. Hengte hi a ṭhian ṭha te nge, amah hawtute an nih hriat vek a ni lo a, duhsak vang leh tihel duh vangin a sem kual dawn te pawh a ni mahna.