Chhiah sang vangin Google share tlahniam

American multinational technology company Google chuan chhiah a chawi hnem viau a ni awm a, an share pawh 4%-in a tlak hniam phah tih tarlan a ni.

Google hian tun hnai khan guarterly report an tichhuak a, chhiah an pek hnem avangin sum tam tak an hloh. Quarter khat chhunga an chhiah pek zat hi $tld 10 zet a ni a, an hnuaia company te pawhin sum ṭhahnem tak an hloh a ni. Hetih lai hian Google kawppui American Multinational conglomerate company Alphabet chuan Google chhiah pek aṭang hian quarter tin aṭangin $tld 9.98 share an nei tura chhut a ni a, nikum chhunga chhiah aṭanga hlawkna an tel hi $tld 31.86 zet a ni. Kum 2017 chhunga Google leh a hnuai company te aṭanga Alphabet-in chhiah a dawn zawng zawng chu $tld 110.9 zet a ni a, kum khat chhunga chhiah a lakluh tam ber ṭum a ni.

Google hian nikum chhung khan Alphabet hnenah hian chhiah $tld 31.9 a chhunglut a, kum hmasa chhung khan $tld 25.8 a lo chhunglut tawh bawk. Alphabet hian nikum chhung khan company dang aṭanin chhiah $tld 409 zet a lalut bawk a, kum hmasaa a lakluh zat $tld 262 a khum chiang hle.

Alphabet-ah hian Stanford University president hlui John Hennessy chu board chairman tura sawi rik a ni a, Eric Schmidt a thlak dawn a ni. Eric Schmidt hian nikum December thla khan chairman aṭanga ban a tum thu hi a lo sawi tawh a, mahse technical advisor a ni zui ang.

Google-in advertisement aṭanga chhiah an chhun pawh a pung a, nikum chhung khan $tld 27.2 chhungin, kum hmasa lama an pek zat chu $tld 22.4 a ni. Google CEO Sundar Pichai chuan company liam tam takin youtube lamah advertisment an tih nasat thu a sawi a, hei hi a chhan ber chu a content-ah an fimkhur ṭhin vang a nih thu a sawi. Hei ti chung hian video advertisement a tam thu sawiin, chhiah an chhun hnem chhan a nih thu a sawi bawk.

Hetih lai hian ralchah dawr Amazon sumlak luh a pung thung a, an share pawh a pung bawk. Amazon CEO Jeff Bezos chuan nikum chhung khan an sale rate a ṭhan nasat thu sawiin, a bikin holiday season-ah an sum lakluh a san thu a sawi. Nikum chhung khan American electronic commerce company chhiah pek zat hi $mtd 789 a ni.