Glee star Mark Salling thihchhan chhui zo

Glee star Mark Salling chu tunkar Thawhlehni khan thia chhar a ni a, mahni intihlum nia hriat a ni. A thih chhan hi chiang zawka chhui zui ni a, mahni intihlum ngei a nih thu puan a ni ta a ni.

American actor hi Los Angeles-a a chenna Sunland bula thingah a lo inkhai a, an hmuh hian a lo thi hman tawh a ni. A thih dan kimchang hi Los Angeles County Coroner chuan an chhui zui a, mahni intihlumngei a ni tih an nem nghet ta a ni.

Corner Assistant Chief Ed Winter chuan Mark hian Thawhlehni zing lam khan a in a chhuahsan tih sawiin, hun eng emaw chen zawn a nih hnuah a ruang hi hmuh a ni ta a ni, a ti.

Kum 35 mi Mark Salling hi naupang kum tling lo saruak thla laksak leh kawl chungchangah inhnamhnawiha puh niin, kum 2015 khan man a lo ni tawh a ni. Mark hi TV series Glee aṭanga lar niin, kum 2009-2015 chhung khan a inlan. Mite ngainat hlawh viau mah se, mimal thilah harsatna a tawh zui avangin mipui hmaah pawh a inlan tam lo hle a ni.