US-ah Sunmi hla hralh a kal

South Korean girl group Wonder Girls mem­ber hlui Sunmi hla thar 'Heroine' chu hralh a kal viau a, Billboard World Digital Song Sales chart-ah pathumna a hauh phak.

Sunmi hian January 18 khan Heroine hi a tichhuak a, US lamah chuan hla lar ber pawl a ni mek. Chart-ah pawh 10-na aṭangin pathumna-ah a invawrh chho a, US-a Korean hla tlangzarh zinga thleng sang ber dawttu a ni. South Korean boy band BTS hla hit 'Mic Drop' (Remix) chu US-a hla hralh kal ber a ni a, Sunmi hian a dawt ta a ni. Sunmi hian Wonder Girls a chhuahsan hnuah hla eng emaw zat a tichhuak tawh a, a hlawhtling zui hle a ni.