Madonna ‘Madame X’ documentary October-ah

Madonna tour docu­mentary ‘Madame X’ chu October 8-ah Paramount+-a en theih tura tlangzarh a ni dawn.

ViacomCBS chuan kar hmasa khan hemi chungchang hi tarlangin Paramount+ chuan U.S., Latin America, Australia, the Nordics leh Canada-a en theih turin an pe chhuak dawn tih sawiin, ram dangah chuan MTV lamah a en theih dawn thung niin an tarlang.

'Madame X' hi Lisbon, Portugal-a an chan a ni a, kum 2019 leh 2020-a Madonna tour behind-the-scene-te pawh hmuh tur a awm dawn a ni.

MTV Entertainment Studios kut chhuak a ni. 'Queen of Pop' Madonna hi tunah hian kum 62 lai a ni tawh a, studio album 14 lai tichhuak tawhin film-ah pawh a inlan nual tawh bawk.