WhatsApp hmangin ni khatah thu tld 60 inthawn!

Internet-in mihring nun phung a thlak danglam nasa a, kan ni tin hun hman dan pawh a tidang lam nasa hle. Mahni ṭhut hmun aṭangin awlsam takin mi kan be zung zung thei tawh a, chumi atana hman raw lar tak chu WhatsApp hi a ni. WhatsApp hian monthly active user (MAU) tluklehdingawn 1.5 a nei a, chung mite chuan nitin tluklehdingawn 60 vel thu an thawn chhuak ṭhin anga chhut a ni!

WhatsApp hian daily active user (DAU) pawh mi maktaduai 300 vel a nei a, Instagram a la pha lo. Facebook chuan February 19, 2014 khan WhatsApp hi $tld 19 zetin an lei a, tun hnaia quarterly report an tihchhuahah chuan social media zinga hmangtu ngah ber pawl a ni. Facebook CEO Mark Zukerberg chuan Facebook ta tho Instagram chu hmangtu ngah ber a nih thu sawiin, WhatssApp hian a dawt a ni. Instagram leh WhatsApp hian DAU mi maktaduai 300 vel ve ve an nei a, Snapchat leh TechCrunch-te'n an dawt a ni.

Whatsapp hmangtu hi India ramah ringawt pawh mi maktaduai 200 vel a nei a, tun hnai khan sumdawnna lama huang zauhna turin WhatsApp Business tlangzarh alo ni tawh bawk. WhatsApp Business application hi android hmangute ten Google Play Store aṭanga download theih a ni.

Social media zinga lar ber chu Facebook a ni a, mi tluklehdingawn hnih dawn hmang an awm a, Youtube, Instagram leh Twitter-te'n an dawt a ni. Thu, video leh thlalak inthawn nana hman tam ber pawh Facebook Messenger niin, WhatsApp leh WeChat-te'n an dawt bawk.