Lady GaGa-i'n tour hmabak cancel

American singer Lady Gaga chuan a taksa lamah harsatna a tawh avangin tour a neih mek chu a cancel tih a tarlang.

Gaga hian "Joanne" world tour a nei mek a, show ṭum 10 vel zet nei leh tur a la ni. Mahse a hriselna lam a pan deuh avangin a chhunzawm thei dawn ta lo a ni. Ruahman lawk ang chuan February 23 hian Berlin, Germany-ah concert nei tur a ni a, hmun danga show a neih leh turte nen a ṭhulh ta zawk a ni. GaGa chuan, "A pawi ka ti takzet a ni, nghakhlel taka min thlirtute chungah thupha ka chawi e" tiin, a fan te lakah thupha a chawi. Hetih rual hian a harsatna tawh hi chiang takin a tarlang lo thung.