Buaipui tham plastic

Mi thiamte chuan tun ang zela plastic kan hmang tam a nih chuan kum rei lote hnuah chuan luia cheng leh mihringte tan harsatna na men loh a thlen dawn niin an sawi.

Scientist-te chuan zirchianna hrang hrang an neih tawhte tarlangin, plastic pollution chu, air, noise leh pollution dang ang tho a hlauhawm a nih thu an sawi. Plastic hmanna a pun zel avangin a siam chhuah pawh a tam zel a, a ṭawih ve theih mai loh vangin lui leh khawmual a bawlhlwh nasa hle. Hei hian nungcha leh mihringte tan harsatna tam tak thlen thei a, chu chuan khawvel sik leh sa inthlak thleng pawh a ngawng buai thei dawn niin an sawi.

US, Australia leh Italy-a zirbing mite chuan plastic them te tak te pawh hian tuipui leh a chehvel a nghawng buai pha tho niin an sawi! Hei hi Gulf of Mexico, Mediterranean Sea, Bay of Bengal leh Coral Triangle an zir chianna aṭanga an hmuh chhuah a ni.

Research beitute chuan plastic hian luia cheng nungchate chu an inthlahchhawnna thlengin a ngawng buai thei niin an sawi a, an ṭhan chhoh zelna pawh a tibuai pha cheu niin an tarlang. A bikin nungcha lian zual - Whale leh Shark-te chuan an haw zual niin an sawi a, a tuar ber pawh an ni. Mi thiamte chuan France leh Australia hnaiha tuifinriat hmun ṭhenkhatah chuan square metre ruk bialah plastic kg 800 chuangte hmuh a nih thu an sawi a, hmun tam takah he tiang hi hmuh tur a awm niin an sawi bawk.