Rehab aṭangin Selena chhuak

American singer Selena Gomez chu rehab-ah hun eng emaw chen a awm hnu­in a chhuak a, a hriselna lam a pan rih hle nia tarlan a ni.

Selena hi tunlai natna depression leh anxiety vangin hun eng emaw chen rehab-ah enkawl a ni. A rilru leh taksa lamah harsatna a tawh avang hian a bialpa Justin Bieber pawhin a ngihsak hle niin khawthlang media-te chuan an tarlang. JB hian Selena hi a ngaihsak viau a, a kiangah a hun awl tam zawk chu a hmang niin an sawi. Selena hi rehab-a a awm chhan tak tarlan ni lo mah se, a nu Mandy Teefey nen an inkar ṭha loh vang leh, a chhungten JB-a an duhpui loh vanga buaina an tawh vang a nih rin a ni.

Selena hian album thar a buaipui leh mek bawk a, a taksa pawh a hah ve hle. January thla tir lam khan New York-ah a inentir a, hemi hnu hian kar hnih chhung treatment a la zui nghal a ni. Tunah chuan pawn pawh a chhuak ve leh tawh a, Los Angeles-ah a ṭhiante nena an inzui pawh hmuh a ni leh tawh.