MDM-in 2017 chhungin royalty Rs.1,27,000 pe chhuak

Music Domain Mizoram (MDM) chuan kum 2017 chhung khan an member mi 168 hnenah royalty an pe chhuak a, an sum pekchhuah zawng zawng hi Rs. 1,27,000 a ni.

MDM hian thla tin royalty an semchhuak ṭhin a, nikum chhung pawh khan mumal takin an kalpui leh a ni. December thla khan Betea, Chawlhmun North KTP, Arini - Cindy - Mapuii, Jennie, Sawmtea, Vanlalmalsawmkima, F. Zomuanpuia - HT Lalthanzami, Manuna, SA.AL.TH - Mesty, Jenny Jathang, H Lalvulmawia, D Broz, HT Lalthanzami, Sena Hlondo leh TBC Lalramkima te henah royalty hi pek chhuah leh a ni. Zaipawl leh group-te hi pakhat anga chhiar ṭhin a ni a, December thlaa pek te nen hian January - December thla chhung khan mi 68-te'n royalty hi an dawng a ni.

MDM hian zaithiamten sum leh paiah hamṭhatna an dawn theihna turin theihtawp chhuahin hma an la a, kum 2013 aṭang khan royalty hi an sem chhuak ṭan a ni. MDM hian an YouTube channel-ah an member-te hla an upload sak ṭhin a, heta ṭnga sum hmuhte hi zaithimte hnenah hian an sem chhuak leh ṭhin a ni.