Coldplay : 'Music of the Spheres’ October-ah

British rock band Coldplay chuan October 15 hian an album thar ‘Music of the Spheres’ chu an tlangzarh dawn.

Chris Martin, Jonny Buckland, Guy Berryman, leh Will Champion-te chuan an studio album pakuana an tlangzarh dawn chungchang hi puangzarin he album-a mi tur 'High Power' chu May thla khan single-in an lo tichhuak tawh bawk.

‘Music of the Spheres’-ah hian hla 12 a awm dawn a, track listing an tihchhuah tawh aṭanga a lan dan chuan hla 12 zinga panga chu emoji hmang ringawtin an tarlang a ni.

Frontman Martin chuan an album thar chu 'Star Wars'-in a 'inspire' a nih thu a lo sawi tawh a, chuvang chuan a teaser ang deuh an tihchhuahna hoah pawh van boruak lam a lang nasa hle.