Priyanka a single!

Valentine's Day a hnai leh ta bawk a, kawp­pui nei leh nei lote pawhin he hun lo thleng tur hi an urlawk leh nasa tawh hle. Hetih lai hian Indian actress zinga chhelo leh star rawn hlawh ber pawl Priyanka Chopra chuan a single thu a sawi mauh mai.

Filmfare Magazine chuan Priyanka Chopra hi cover girl-ah an hmang a, a bu chhungah an inkawmna an tarlang bawk. An interview-naah hian Priyanka chuan hun eng emaw chen chu a single tawh tih sawiin, kum khat dawn a tling tawh niina sawi. Bollywood star chuan, "Kawppui pakhat laka rinawm mi ka ni. Mi tam tak ka tawng ve bawk a, mahse chung mite chu ka kalsan leh mai ṭhin" tiin, pakhat tana a rinawm thu leh, kawppui nei loa a awm rih chhan a sawi. Kum khat dawn single tawh mah se kawppui neih lam a la rilruk lo hmel viau a, "Ka rilru ala inpeih lo a ni" a tibawk.

American television series 'Quantico' star Pri­yanka chuan a chanpuite zingah in date pui a nei tawh em tih zawhna chu "Aih" tiin a chhang. "Quantico co-star te hi kawppui nei lai an nih deuh vek avangin tumah ka la date lo" tiin fiamthu a thawh. Priyanka hi kum 2015 aṭang khan Quantico-ah hian inlan a, North America lamah hian hriat a hlawh viau tawh a ni.

Miss World lo ni tawh Priyan­ka hi kum 35 mi lai a ni tawh a, heti chung hian khiangawih zai a la rel vak lo te pawh a ni mahna. Baywatch star hian Hindi film lam chan a rilruk leh tawh nia sawi a awm a, Hollywood chhuahsan a, Bollywood luhchilh leh tawh a chak niin an tarlang.