Zayn Malik-a'n Hindi hla record!

One Direction member hlui Zayn Malik chuan Bollywood film atan Hindi hla a record a, Hindi hla a sak vawi khatna tur a ni. Hemi chungchang hi India rama magazine lar Filmfare chuan tarlangin, "Nulate duhthu sam a thleng dik ta, an tawngtaina chu chhanin a awm ta a ni" tiin.

British singer Malik chuan india ramah kalin Hindi hla a record thu hi tun hnai khan a puang a, a vawi khatna a nih vangin a phur hle tih a sawi. "Bollywood movie ka lo en ve ṭhin a, Hindi hla pawh ka lo ngaithla ve tawh. Tunah chuan keimah ngein ka record ve ta a, ka inchhuang hle a ni" tiin a tarlang. A bialnu Gigi Hadid nen pawh Bollywood film 'Devdas' an endun thu leh a ngainat thu a sawi tel bawk.

Zayn hian Bollywood star Shah Rukh Khan pawh kawmin, hun an hmang dun. Shah Rukh Khan chuan, "Malik hi kan inhmuh hma chuan ka ngaina lem lo a, mahse mi ngaihsan awm tak a lo ni" tiin a taka an intawn hnuah a hmuh dan a danglam thu a sawi. Malik hian A.R Rahman pawh a thawhpui thu a sawi a, hla pakhat an tichhuak dawn niin a sawi bawk.