Maroon 5 music video-ah Alexandra

American pop rock band Maroon 5 chuan music video thar an buaipui leh mek a, he tah hian Baywatch star Alexandra Daddario a inlan.

American actress Alexandra hi model-ah a ṭang dawn a nih hmel a, en chakawm tawh tak a ni. Maroon 5 hian music track an lo tihchhuah tawh 'Wait' chu video in an buaipui leh mek a, hun rei loteah tichhuah beisei a ni. Band vocalist Adam Levine leh Alexandra-te chu muisc video tharah hian an inchhai kual vel a, an zei dun bawka mit a tlai viau dawn nin a lang.

Maroon 5 hian nikum November thla khan 'Red Pill Blues' album an tlangzarh a, heta an hla pakhat chu music video siamin an lo tichhuak tawh a ni. 'Wait' hi a pahnihna tur a ni a, an tihchhuah hun tur erawh tarlan a la ni lo. 'Red Pill Blues' album tihlar nan hian May 30 aṭang khian North America lamah tour an nei zui bawk ang.