ZONET PROGRAMME THAR "A DATE WITH JANIS" ZANINAH

TV host zinga tawnhriat ngah leh zei tak Janis Hnamte leh Zonet chuan inremna neiin thlatin chhuak program "A date with Janis" an buatsaih ṭhin dawn a, zaninah episode hmasa ber Zonet-ah tihchhuah a ni ang.

He programme hian a huam zau dawn hle a, thlirtute tana hmasawnna thlen thei tur ang chi programme hrang hrang kan hmu ṭhin dawn a, mit leh beng a tlai ṭhin viau dawn a ni.

Janis chuan, “He show hi mitin tan a ni a, a huap zau thei ang bera kalpui tum niin hmasawnna leh beiseina pe thei tih chhuah tum a ni. Hripui leng avangin harsatna tawk deuh mah ila, kan puitlin thei tur hi ka lawm hle a. Zonet nena kan thawkho thei hi ka lawm hle a, he programme hlawhtlinna tura ka thawhpuite zawng zawng chungah pawh lawmthu ka sawi a ni. Min hlut saka lo thlir ve theuh turin ka sawm a che u, " tiin an programme thar tur chungchang a sawi a, Janis-i lo hmelhriat tawh leh a show lo en tawh ṭhinte tan chuan hmaih phal chi a ni hauh lo ang. Zanin show hi englam hawi nge hriat i duh a, hmasawnna leh beiseina pe theitu tur che show i en duh chuan zanin dar 8-ah hian Zonet Zawlbuk & Zonet HD lo hmet chhuak phawt mai teh.

"A date with Janis" hi Zonet-a chhuah a nih tukah Janis Hnamte YouTube channel lama en theih tura dah ṭhin a ni bawk dawn a, TV lamah i en hman lo a nih pawhin a YouTube channel lamah hian lo chan mai a chi hle ang.

Episode hmasa ber hi zanin heng hunah hian a chhuak ang.
8:00 pm - Zonet Zawlbuk & Zonet HD
9:30 pm - Zonet Bawhbel