Black Panther 2-ah Winston Duke kan hmu leh dawn

Black Panther film-a M'Baku lema chang Winston Duke chu Black Panther 2-ah pawh kan hmu leh dawn.

'Black Panther: Wakanda Forever' hi a film hmasa lama achangtupa ber Chadwick Boseman awm tawh lo mah se Marvel Studio chuan hlawhtlinpui an tum urhsun hle a, tlangzarh an tum hun vel thlengin rem an ruat fel tawh a ni.

Collider-in an kawmnaah Winston chuan, "A scirpt chhiar ringawt pawhin rilru a khawih takzet. Film chang leh tura insiam zawng ringawt pawhin rilru a hnim ruih thei a ni. Mahse tunah chuan chhungkua ang kan ni tawh a, kan tuar ho a, eng emaw special tak kan siam ho a ni,"tiin Boseman tel loa film siam chu hrilhhai thlak a tih thu a sawi nghe nghe.