Tomb Raider 2 chungchangah Alicia Vikander-i'n eng nge a sawi?

Kum 2018-a tlangzarh Tomb Raider film-a Lara Croft lema hnehsawh taka chang Alicia Vikander chuan Tomb Raider 2 chu an la siam lehngei dawn tih a sawi.

Lemchan thiam kum 32 mi Vikander chuan Covid-19 in Tomb Raider chhunzawmna an siam tur chu tisukuk mah se siam tho anla tum tih an sawi a, Collider-in an kawmnaah,"Greenlit chu ni chiah lo mah se, script erawh buaipui mek a ni. Kan phur tlang viauin ka hria ," a ti.

Tomb Raider 2 hi a working title-ah 'Tomb Raider: Obsidian' tih an hmang lailawk a, ruahmanna an siam hmasaah kha chuan March thlaa tlangzarh hman kha an tum a; mahse hripui a len tak avangin production zawng zawng pawh an chawlhsan ta rih a ni.

Vikander chuan, "Hmalak ṭan lehna pawh a la rei lo hle. Misha chuan project rawn zawmin script ziah hna urhsun takin a thawk mek. Script chhiar hlan ka nghakhlel tawh viau mai," tiin a sawi bawk.