Vaccine la ngei tih finfiah ngaihna show-ah Eric Clapton a inlan duh lo!

Guitar Legend Eric Clapton chuan Covid-19 vaccine la ngei tawh a ni tih finfiah ngaihna live show-ah a inlan dawn lo tih a sawi.

Kum 76 lai ni ve tawh, 'Wonderful Tonight' hitmaker hian hetiang chungchang hi sawi chhuak mah se, amah erawh hi chuan AstraZeneca vaccine dose hnih a la zo tawh thung.

English singer Clapton chuan, "A duh apiang an tel theihna tur show a nih dawn lo chuan, show ṭhulh turin dikna chanvo ka nei," a ti.

U.K. prime minister Boris Johnson-a'n Thawhṭannia thuthar thehdarhtute a kawnnaa September thla tawpah chuan nightclub leh punkhawmna thil huaihawtna hmun danga lut tur vaccine lak ngei a ngaih tawh dawn thu a sawi hnu lawkah Clapton hian hetiang thu hi a rawn sawi ve leh ta thung a ni.