OnePlus Nord 2 5G tlangzarh a ni ta

OnePlus Nord 2 5G chu Ningani khan tlangzarh a ni ta a, July 26 aṭangin India ramah chuan Amazon leh OnePlus.in kaltlangin zawrh chhuah ṭan a ni dawn thung.

Chinese company-in an Nord series an tlangzarh thar ber hian triple rear camera a nei a, punch-hole display niin OnePlus Nord aiin primary camera a nei ṭha zawk a, battery a ṭhat zawk bakah charge a chak zawk a ni.

MediaTek SoC a hmang thung a, hei hi mi tam tak chuan an duhzawkna tur a nih laiin ṭhenkhat erawh chuan an iaina chhan tur a ni thei thung.

India ramah chuan Rs. 27,999 aṭangin a man a inṭan dawn. A base variat 6GB RAM + 128GB chu Rs. 27,999-in an zuar chhuak dawn a, 8GB + 128GB chu Rs. 29,999 man tur niin a top variant 12GB RAM + 256GB chu Rs. 34,999-in an zuar thung ang.

Rawng chi thum- Blue Haze, Gray Sierra leh Green Wood a awm a, a variant a zirin a rawng awm dan erawh a dang a ni.