Billboard : Hot Christian Songs chart-ah Lauren Daigle a langsar

Billboard Christian Songs chart-ah Lauren Diagle a langsar fal hle a, pakhatna leh pahnihna chu a hla tihchhuah ve ve a ni. Pathumna erawh tobyMac 'Help Is On The Way (Maybe Midnight)' a ni thung.

A vawi lina atan 'Hold On To Me'
Lauren Daigle hian 'Hold On To Me' hi February thla tawp lama a tihchhuah kha a ni a, Hot Christian Songs chart-ah hian No.1 vawi li lai a ni tawh a, he chart-ah hian kar 20 lai a cham tawh bawk.

Daigle hi Christian Artist zingah chuan huhang ngah ber pawl a ni a, Hot Christian Songs chart-a No.1 nihpui theih hla pangana chu 'Holf On To Me' hi a ni nghe nghe a, NBC 'The Voice' season finale-ah khan he hla hi sain chumi hnu chuan a hit thar leh viau nghe nghe.

Hla chuai thei lo 'You Say'
Kum thum vel liam ta, July 18, 2018-a a tihchhuah daih tawh kha ni mah se Lauren Daigle chuan a hla hit 'You Say' chu kar hmasa chart-ah khan pahnihna a la nihpui thei a ni.

He hla hi chu Mizo pawhin kan hre fur tawhin a rinawm a, 'Look Up Child' album atana Daigle single hmasa ber niin, Billboard Hot 100-ah pawh No.29 hialte pawh a lo nihpui tawh kha a ni a, record hrang hrang a lo siam tawhna hla niin 2010's-a Chrtistian hla lar ber dawttuah Billboard pawhin a lo puang hial tawh a nih kha.

'You Say' hi he chart-ah hian kar 154 zet a cham tawh a, Daigle-i'n Grammy hial a lo lak pui tawh hla kha a ni miau a, Kristian rimawi huangchhungah chuan he hla hi a la lar vet vet hle a ni.

Help Is On The Way (Maybe Midnight)

DC Talk hunlai aṭanga Kristian rimawi huangchhunga hriat hlawh tawh tobyMac hla 'Help Is On The Way (Maybe Midnight)' chu pathumna a ni thung. He hla hi chart-ah hian kar 21 lai a cham tawh a, pakhatna em la ni lo mah se top 3-ah hi chuan a hma pawhin a lo lang tawh a ni.

Chart-a che ṭha zualte chu

Pakhatna hial pawh lo ni tawh Crowder hla 'Good God Almighty' chu palina a ni thung a, Anne Wilson chuan 'My Jesus' hmangin top 5 a khar.

We The Kingdom Featuring Bear 'Child Of Love' chu parukna ni thungin, Zach Williams, Phil Wickham, CAIN leh for KING & COUNTRY-te pawh chart top 10-ah an lang a ni.