Jimi Hendrix 'Foxy Lady' phuah chhan (?) a thi

Guitar legend, mi tam takin khawvela guitarist awm tawh zawng zawng zinga ṭha ber nia an ngaih, Jimi Hendrix-a bialnu ṭhin Lithofayne "Faye" Pridgon chu kum 80 mi niin Las Vegas-a a chenna inah a thi.

Lithofayne Pridgon hi April 22-a boral daih tawh kha a ni a, mahse kar hmasa khan vantlang hriat turin a thih thu hi puanzar a ni chauh thung.

Rimawi lama tuite chuan Jimi Hendrix 'Foxy Lady' kha an hre ṭheuh awm e, guiarist zingah phei chuan hla mikhual lo ber zinga mi a ni. Kha hla kha Lithofayne Pridgon vanga a phuah niin mi ṭhenkhat chuan an sawi.

Jimi Hendrix-a social media account lama tarlan a nih dan chuan Hendrix leh Faye hi kum 1964 khan Harlem-ah an intawng a, hun eng emaw chen chu an inzui a ni.

Hendrix-a social media account lamah hian Faye sunna thu thui tak ziah a ni a, "An pahnih khan an intawn aṭanga rei lote hnuah inzawmna thuk tak an nei nghal a, an inhmangaih piah lamah rimawi an ngaina duh hle. An khawsa dun a, hlate an phuah dun bakah darkar tam tak chhung hla an ngaithla dun ṭhin a ni," tia ziakin, Hendrix-a hla hit “Foxey Lady” pawh kha an pahnih inlaichinna aṭanga phuah chhuah a nih thu an ziak lang.