Zorina hla thar 'Ka Thlang Ber Che' a chhuak ta

Zorinsanga hla thar 'Ka Thlang Ber Che' tih chu nizanah khan Zonet lamah tihchhuah a ni ta a, YouTube lamah pawh thlira ngaihthlak theih turin a awm thuai ang.

'Ka Thlang Ber Che' hi Fela, Durtlang Leitana mi phuah niin hmanni lawka a tlangzarh "Pathian Hmangaihna" Album collection-a mi kha a ni a, Zorina hian a sa mawiin a sa thiam hle a, a hla thu a ṭha bawk nen, ngaihthlak a manhla viau.

"Pathian Hmangaihna" Album hi April 10-a tlangzarh daih tawh kha a ni a, mahse hrileng thawh hnihnain kan ram a tihbuai tak avangin an duh angin an zuar chhuak thei ta si lo a, local channel leh YouTube lamah a duh apiang ngaihthlak theih turin an tum aiin an chhawp chhuak hma ta a ni.

"Kumin atana ka single hmasa ber ania, chuan kumin hian damtea ka awm chuan project eng emaw ka nei ve nual a, tih puitlin ka la tum viau," tiin Zorina chuan a sawi a, kumin chhung hian Zorina hla thar kan ngaihthlak belh dawn tih a chiang a, a zai ngainatute tan chuan thu lawmawm tak a ni ngei dawn tih a chiang.

Zorina hi tunah hian Covid-19 vangin enkawl mek a ni a, a dam hunah a hla tharte chu kan ngaithla thuai thei turah ngai ang.