Fashion magazine kawmah Manushi Chhillar

Miss World 2017, Manushi Chhillar chu fashion magazine lar 'Cosmopolitan' February issue kawmah a chuang a, mit a la kher mai.

Cosmopolitan hi international fashion magazine niin, khawvelah pawh a lar ber pawl a ni phak. Haryana nula hian a thuam inbel a mawipui hle a, magazine pawhin hralh a kal phah viauin a rinawm. Amah Manushi pawh a lawm hle a, milar dangte ang bawka international fashion magazine lar ber pawl cover girl a ni thei chu a inchhuan thu a sawi.

Manushi Chhillar hi zirna piah lamah social work lamah a thawk ṭha fu a, school hrang hrangah awareness campign neiin a chhuak ve reng a ni. Zirlai naupang zawkte chu an kal zelna tur thlang thiam tur leh, nun fimkhur turin a chah chamchi a ni.