Mystical Mizoram Ṭhazual Gospel : C Lalremruata hun a thleng ta

Mystical Mizoram Ṭhazual Gospel chart-ah C Lalremruata hla 'Sulam Lenmawi' chu pakhatna a ni a, Sawmtea Chhangte 'Ṭhangthar Vannei' chu pahnhna niin The Prophets 'Siamtu Pathian' chu pathumna a ni.

C Lalremruata hun a thleng ta
Mizo rilrem zawng tak hla mawi tak tak tichhuak ṭhin C Lalremruata hla 'Sulam Lenmawi' chu Ṭhazual Gospel chart-ah pakhatna a ni ta.

He hla hi chart-ah hian a mikhual tawh lo hle a, thla thum liam ta vela a tihchhuah hnu khan chart-ah a lang har lo viau mai.

A hla a mawiin ngaihthlak a manhla a, Mizo rilrem zawng tak leh Mizote'na kan ngainat zawng tak hla a nih piah lamah a satuin a sa mawiin a sa thiam bawk a, pakhatna dinhmuna a rawn ding hi a phu viau.

Chart top 5-a a inhlankaina a rei tawh a, chart hmasa lamah khan pahnihna niin tunah erawh dinhmun ṭha berah a rawn inhlangkai ta a ni.

Pahnihna Sawmtea
Sawmtea Chhangte hi chu tu nge a nih sawi nawn a ngai lo. A hla mawi tak 'Ṭhangthar Vannei' chu pahnihnaah a rawn inhlankaipui ta a, dinhmun ṭha bera ding tur pawhin a dinhmun a ṭha sawt hle.

The Prophets leh midang che ṭha zualte
The Prophets chuan an hla thar ber 'Siamtu Pathian' chu top 3-ah an rawn inhlankaipui ve leh ta bawk a, Lallungmuana 'Chatuan Kawl Enna' chu pahlina niin One In Christ 'Ka Mit Ngei Hian a Thlir' chu top 5 khartu a ni.

Chart-ah hian Angaihteii, Maruati, Euphony, Hruaia & Samuela bakah Cindy Lalthanpuii te pawh an lang a ni.