Melody Lalzirliani hla thar 'Ka Tan a Tawk Reng si'

Melody Lalzirliani chuan a music video thar ber 'Ka Tan a Tawk Reng si' chu peihfelin TV leh YouTube lama thlira ngaihthlak theih turin a chhawp chhuak dawn ta.

Melody hi MDM member niin a hla thar pawh hi MDM lamah a register fel tawh a, Zonet Cable lamah pawh en theih turin a dahlut fel tawh a; YouTube lamah pawh thlira ngaihthlak theih turin a awm thuai ang.

'Ka Tan a Tawk Reng si' hi Fela, Durtlang Leitan phuah a ni a, hmanni lawka a tlangzarh 'Pathian Hmangaihna' album-a mi kha a ni. Music chu Kima Chhangte in a siam sak a, Masky Records-ah recording ti thungin Video chu Chiangtea Videography kut chhuak a ni thung.

He hla hian Pathian khawngaihna leh Pathian remruatna hi mihringte tan a lo tawk reng a ni tih chu a tarlan tum ber a ni.

Youth Icon star Melody hi a hla tihchhuah a hit ṭhin hle a, YouTube lamah pawh a hla tihchhuah tawh ho chuan thlirtu nuai chuang a nei fur hlawm a, tuna a hla thar pawh hi a mawi leh viau ang tih a rinawm.