'Army of Thieves' trailer hmasa ber a hmuh theih ta

Netflix-in kumina film an tihchhuah tur zinga thawm nei ring ber pawl 'Army of Thieves' trailer hmasa ber chu YouTube lamah hmuh theihin a awm tawh a, a hmuhnawm hmel viau mai.

He film hi May thlaa tlangzarh, kumin chhunga Netflix film hit ber zinga mi 'Army of the Dead' prequel a ni a, romantic comedy-heist film niin Zombie lam pawh an lang leh nual dawn a ni.

A trailer en duh tan chuan en theihin a awm reng tawh a, Matthias Schweighöfer chu director niin 'Army of the Dead' director Zack Snyder bakah Wesley Coller, Matthias Schweighöfer leh Dan Maag-te chu producer an ni. A story chu Zack Snyder leh Shay Hatten-te kut chhuak a ni thung.

A changtu an ṭha leh viau dawn a, Nathalie Emmanuel, Guz Khan, Ruby O. Fee, Stuart Martin, Jonathan Cohen, Noemie Nakai leh Peter Simonischek-te chu inlan tur niin nikum October leh December inkar khan Germany lamah shooting an nei a ni.

Tlangzarh ni tur tak tarlan la ni lo mah se kumin chhung hi chuan tlangzarh hman an tum.