Katy Perry leh Orlando Bloom an ṭha leh tawh
Katy Perry leh Orlando Bloom-te chu thla 11 zet an inṭhen hnuah an inzui leh tawh a, an inkar hi a ṭha leh tawh viau niin an sawi.
American singer Perry leh English actor Bloom-te hi 'ni, ni lo' tih velin an awm zing malh malh hle. Nikum March thla khan an inṭhen a, hemi hnu pawh hian an inzui leh zauh zauh tho a, Maldives lamah pawh chawlh hmangin hun an hmang dun nia tarlan a ni. An in break lai pawh hian an inbe reng tho nia sawi a awm leh zel a, inṭhen an harsat hle a ni. Perry chuan an in break zauh zauh hi a hlawkpui thu a sawi mauh mai a, amah pawhin a puitlin phah niin a sawi.
Hetih lai hian Twilight star Robert Pattinson leh Katy Perry-te hi tun hniah sawi zawm an hlawh viau a, an chhuakdun pawh hmuh an ni. Ṭhian satliah tia sawi tawk an awm a, tunah chuan a changtupa tak tak zawk Bloom a lo lang leh ta a ni.