Paul McCartney-a'n award dawng dawn

Israel sorkarin scien­tist leh artist-te hnena chawimawina a hlan ṭhin Prestigious Wolf Prize chu English singer Paul McCartney hnenah a hlan dawn. A ni bakah hian US, Japan leh Britain scientist ṭhenkhatten an dawng dawn bawk a, an hming puanzar a la ni lo.

Prestigious Wolf Prize hi mihringte in­kara inṭhian ṭhatna leh in­­lai­­chhinna kawnga thawhhlawktte hnenah hlan ṭhin a ni. McCartney chuan, "Chawimawina ropui tak a ni a, a bikin hla phuahtute tan chuan a hlu zual a ni" tiin, a award dawn tur chu a dah­sang hle. Music lamah chuan Hungaria mi Adam Fischer-a'n a dawng ve dawn bawk. Award hian pawisa fai USD 100,000 a keng tel dawn a, May thla khian Israel-ah sem a ni ang.