‘Pretty Little Liars’ Reboot-ah Bailee Madison

‘Pretty Little Liars’ Reboot, HBO Max-a tihchhuah tur ‘Pretty Little Liars: Original Sin’-ah 'Good Witch' star Bailee Madison chu a chang dawn.

‘Pretty Little Liars’ series thar tur kalphung tur hi a hmuhnawm dawn khawp mai. "Kum 20 liam ta khan Millwood khuaa thil rapthlak tak thleng chuan a khaw mite nasa takin a nghawng. Khawvel hun tawn mekah chuan tleirawl ṭhianho- Little Liars tharte - chu Assailant tunge a nih hriat lohin kum 20 liam taa an nu leh pate'n a ruka an thil tihsual avangin a nghaisa mek a ni," tiin Variety chuan a series kalphung tur an tarlang.

Madison hi Imogen, damkhawchhuah tum tlat mi lemah a chang dawn a, a hmaa a changtu tur an lo puanzar tawh Chandler Kinney leh Maia Reficco-te kiangah a chang ve dawn ta a ni.

Social media lamah pawh Madison hian hemi chungchang hi a tarlang tawh a, Deadline-in hemi chungchang an ziahna chu post-in a caption ziah dan aṭang chuan a phur tawh hmel hle.

Bailee Madison hian naupang te a nih lai aṭangin lemchan khawvel a luhchilh tawh a, film leh series hrang hrangah inlan tawhin 'Parental Guidance', 'A Cowgirl's Story', 'The Strangers: Prey at Night' leh 'Good Witch' te chu a inlanna langsar zualte an ni awm e. Kum 2008-a tihchhuah 'Terminator: The Sarah Connor Chronicles' series-ahte pawh khan hmeichhe naupang te niin episode pakhatah a inlan tawh bawk.