Heng K-Pop group pangate hi an danglam bikna i hria em?

SEVENTEEN, NU’EST, SF9, BTS, SHINee
K-Pop industry-ah hian group za chuang fe an awm tih hrechiangtu chu Mizo ṭhalaite an ni awm e. Chung grouo tam tak zingah chuan SEVENTEEN, NU’EST, SF9, BTS leh SHINee-te hian danglamna bik tak mai an nei.

Eng maw an danglamna chu?
'Koreaboo'-in a tarlan dan chuan heng kan tarlan tak group pangate chiah hi member tumah bang ṭhen loa, original line up hloh miah loa an label-te nena an contract pawtsei thei an ni.

K-Pop industry-ah hian a tlangpuiin kum sarih daih vel contract an ziak ṭhin a, group tam hle mah se contract an ziah chhunzawm leh hian member chhuak ṭhen emaw hi an awm deuh ziah a, contract ziah chhunzawm tur group an awm pawh hian K-Pop fan-te chuan member zawng zawng an la tel chhunzawm dawn em tih chu an hriat chak pakhat a ni ṭhin.

Group za chuang awm zingah (duo tel loin) SEVENTEEN, NU’EST, SF9, BTS leh SHINee-te chiah hi original line-up hloh loa contract pawtsei thei awmchhun an la ni rih.

Chutichuan...
Group lar tak tak ni ṭhin, 2PM pawh kha Jay Park-in a chhuahsan a, BIGBANG pawh Seungri-in lo chhuahsan tawhin a hunlaia thawm nei ring em em mai Girls’ Generation meuh pawh Jessica-i'n a chhuahsan a nih kha.

Mahse maw...
SEVENTEEN hi chuan tun thla khan Pledis Entertainment nena an contract an pawtsei a, member 13 lai ni mah se, tumahin group an chhuahsan lo. An labelmate NU’EST pawhin January 2019-ah khan an member bang ṭhen awm loin contract an lo pawtsei tawh bawk.

Member pakua lai awmna SF9 pawhin March thla lawk khan FNC Entertainment chu contract thar an ziahpui leh a, chhuak an awm lo.

Sawi hmaih chi hauh loh chu BTS an ni. Kum 2018 khan BigHit Labels nen an contract an pawtsei a, vawiin thlengin member an la kim vek a, record ropui tak tak an la siam chhunzawm zel a nih hi maw.

SHINee pawh member bang awm lo zingah kan sawi tel a ngai. Amaherawhchu kum 2017-ah khan an member Jonghyun chu thi mah se midang zawng erawh an la kim ṭhap. An label nena an contract vawi hnih pawtsei thei K-Pop group awmchun an la ni bawk.

Red Velvet leh Lovelyz-te chuan kumin kum tawp lamah hian thutlukna an siam a la ngai ve dawn a, nakkum lamah TWICE-in thutlukna an siam a ngai dawn bawk. Heng group danglam bikte huangah hian an zuang lut ve dawn em i lo thlir ang.