Ryan Reynolds leh Jodie Comer-te'n Thisen pe turin an fan-te an fuih

Ryan Reynolds leh 'Free Guy'-a a chanpui Jodie Comer-te chu UK-a National Health Service (NHS) tan campaign-in an fan-te chu thisen pe turin

an fuih.

NHS Blood and Transplant video-ah 'Free Guy' star pahnihte hi inlanin Reynolds chuan an film thar 'Free Guy'-a a character Blue Shirt Guy chuan a thil tih apiangah 100%-a a rilru a pek ṭhin thu sawiin, "Tunah chuan thisen pek kawngah i 100% i pek vena hun a ni chiah thung," tia sawiin Jodie Comer chuan a lo chhawn vat a, "I thisen 100% tihna ni loin," a lo ti a, chutichuan an pahnih chuan NHS Blood Donation campaign chu an neihsak chhunzawm ta a ni.

'Free Guy' hi August 13 hian tlangzarh a ni dawn a, Ryan Reynolds leh Jodie Comer bakah hian Lil Rel Howery, Utkarsh Ambudkar, Joe Keery, leh Taika Waititi-te pawh an inlan dawn a ni.

Nikum July thlaa tlangzarh tura an ruahman tawh kha ni mah se hripui leng vangin vawi thum lai an sawn hla tawh nghe nghe.