‘Hawkeye’ Series tlangzarh hun tur a hriat ta

Disney+-a tihchhuah tur ‘Hawkeye’series chu tlangzarh ni tur puanzar a ni ta a, Jeremy Renner leh Hailee Steinfeld-te channa series hi November 24-ah tlangzarh a ni ang.

Ningani khan Marvel chuan hemi chungchang hi an puangzar a, MCU fan-te chuan mit titlaitu tur an neih belh leh dawn ta a ni.

He series-ah hian Jeremy Renner chu Clint Barton/Hawkeye lemah a chang leh dawn a, Kate Bishop lemah Steinfeld chu a chang thung dawn a ni. Anni pahnih bakah hian 'Black Widow'-a kan hmuh Yelena Belova (Florence Pugh) pawh kha a inlan dawn a, 'Black Widow' end credit scene aṭanga a lan dan kha chuan a laizawn 'Natasha Romanoff' ṭhianpa hi a ngainat vak a rinawm loh.

Vera Farmiga, Fra Fee, Tony Dalton leh Alaqua Cox-te pawh he series-ah hian an inlan dawn a ni.

A plot tur hriat theih la ni lo mah se he series-ah hian Hawkeye thar ni turin Barton chuan Bishop a chher hriam vel a nih hmel.