Dengi I Love You - Zanin aṭangin a en theih dawn ta
Mizo comedy film thar 'Dengi I Love You' chu zanin dar 7-ah hian Bawmrang TV kaltlanga en theih turin tlangzarh a ni dawn.
'Dengi I Love You' a hmuhnawm dawn?
Nikum lam aṭang khan he film chungchang hi hriat tur neuh neuh a awm tawh a, eng lamhawi nge a nih dawn tih hre chiah hlawm lo mah ila a film hming aṭang ringawt pawh hian en a chakawm a, fiamthu lam a ni dawn tih a rinthiam theih nghal.
Chu a chhapah nikum kum tawp dawn lamah khan Di tawnglo val (DENGI I LOVE YOU VERSION) chu YouTube lamah hmuh tur a awm a, chu video a chhuah aṭang phei chuan en chak an tam zual. Chu film ngei mai chu zanin dar 7-ah hian Bawmrang TV kaltlangin a en theih dawn ta. Bawmrang TV hi i lo la nei ve lo a nih chuan lo download phawt mai teh.
He film-ah hian chhungkaw pahnih zu in a tih buai dan hlimawm tak leh a tawp a lungchhiat thlak taka an tawp tak dan tarlan a ni dawn. A hlimawm leh nuihzatthlakna ringawtah a tawp dawn lo niin a lang a, zirtir ṭha tak pawh a nei ngei ang.
Kum 2 chhung an buaipui tawh
'Dengi I Love You' hi kum hnih chhung vel lai chu uluk takin an buaipui tawh. 'Damna kim' leh 'Where' script ziaktu B Lalbiakvela script ziah a nih bakah director a ni nghal bawk a, chuvang chuan a hmuhnawm ring phawt ang.
Thlalak hna chu Ngaihawm Fanai (Conflate Video)-in a thawk thung a, background music leh a audio master-tu chu Mathana EFX a ni.
Director leh script ziaktu ni bawk B Lalbiakvela chuan," ti a sawiin Vanneihtluanga thuziah chu thawnthu hlimawm, Mizo rilrem zawng taka fiamthu nena a ziah chhuah thu a sawi.
A changtute an ṭha
Trailer en tawhte chuan Mizo film industry-a kan hmelhriat tawhte an inlan dawn tih an hre ngei ang.
'Norah' film-a a changtupa Isaak Rosangliana leh 'Damna Kim' lam a kan lo hmelhriat tawh Lalawma te an lang dawn a, hmeichhe lamah chuan Human trafficking lam hawi film 'Where' a kan lo hmelhriat tawh Rinmawii leh Rody-te an in lan dawn bawk. Anni bakah hian Comedian Search lama Host zei tak kan hmuh ṭhin Sally Hrahsel a inlan dawn bawk a ni.
Bawmrang TV-ah hian Rs 250 in a en theih dawn a ni.